لاہور (نیٹ نیوز) پنجاب میں پڑھے لکھے بے روزگار افراد کی تعداد ریکارڈ حد تک پہنچ گئی۔ صوبے میں لیکچرار کی 2500 نوکریوں کے لیے پونے پانچ لاکھ درخواستیں آگئیں۔پنجاب پبلک سروس کمیشن ذرائع کے مطابق پہلے تحریری ٹیسٹ ہوگا، اس کے بعد انٹرویو کے لیے 12255 امیدواروں کو بلایا جائے گا۔پنجاب پبلک سروس کمیشن ذرائع کے مطابق خواتین کی ایک ہزار 435 اسامیوں کے لیے 3لاکھ 18 ہزار 701 خواتین امیدواروں نے درخواستیں جمع کرائیں جبکہ مرد لیکچرارکی ایک ہزار 16 آسامیوں کے لیے ایک لاکھ 57 ہزار 211 درخواستیں آئیں۔ تحریری امتحان اور انٹرویو کے بعد 2 ہزار 451 لیکچرار منتخب کیے جائیں گے۔