حجرہ شاہ مقیم (نوائے وقت رپورٹ) موٹر وے کیس کے ملزم شفقت کی شناخت کرنے والے نوجوان فیصل نے نجی ٹی وی سے گفتگو میں کہا ہے کہ ملزم شفقت موٹر وے پر واردات کے بعد کولڈ سٹوریج پر مزدوری کر رہا تھا۔ میں بھی کولڈ سٹوریج پر مزدوری کرتا ہوں۔ ملزم شفقت نے اپنی سم میرے موبائل میں استعمال کی۔ تفتیشی حکام نے موبائل فون ٹریس کر کے مجھ سے پوچھ گچھ کی۔ تفتیشی حکام نے مجھے ملزم کی تصویر دکھائی جسے میں نے پہچان لیا۔ غربت کی بنا پر کولڈ سٹوریج پر مزدوری کرتا ہوں۔ نوجوان فیصل کے والد نے مطالبہ کیا کہ فیصل نے ملزم شفقت کو شناخت کیا، 25 لاکھ روپے انعام ہمیں دیا جائے۔