کراچی (نوائے وقت رپورٹ) چیئرمین پیپلز پارٹی بلاول بھٹو زرداری نے بارش سے متاثرہ میرپور خاص ڈویژن کا دورہ کیا۔ دورے میں شریک کئی وزراء اور ارکان کرونا کا شکار ہو گئے۔ چار دن قبل کرونا پازیٹو آنے پر صوبائی وزیر شبیر بجارانی آئسولیشن میں چلے گئے۔ وزیراعلیٰ سندھ کے معاون خصوصی قاسم نوید قمر کا بھی کرونا ٹیسٹ مثبت آیا ہے۔ قاسم نوید قمر نے کہا ہے کہ کرونا ٹیسٹ مثبت آنے پر خود کو علیحدہ کر لیا ہے۔ رکن سندھ اسمبلی امداد پتافی نے کہا ہے کہ میرے کرونا ٹیسٹ کی رپورٹ مثبت آئی ہے۔