لاہور(سپورٹس ڈیسک) ترک اداکارہ اسرا بلجیک’’ارطغرل ڈرامہ کی ہیروئن حلیمہ‘‘ کی باکسنگ سیکھنے کی ویڈیو سوشل میڈیا پر وائر ل ہو گئی ہے۔  ویڈیو میں دیکھا جا سکتا ہے کہ وہ کوچنگ سنٹر میں ٹرینر سے باکسنگ کی باقاعدہ تربیت لے رہی ہیں ۔ 27 سالہ اسرابلجیک نے باکسنگ کی ٹریننگ اپنے نئے ڈرامے ’’رامو‘‘کیلئے لی ہے۔رامو جرائم پر مبنی کہانیوں پر مبنی نئی ترک ڈرامہ سیریل ہے جس میں اسرا بلجیک ایک بولڈ لڑکی کا کردار ادا کررہی ہیں۔ اداکارہ کا کہنا ہے کہ ان کا نیا کردار ان کے مداحوں کو بے حد پسند آئے گا، میری کوشش ہو گی کہ اس ڈرامے میں ایسا کچھ کر دکھاؤں جو مدتوں یاد رکھا جائے۔