لاہور(سپورٹس ڈیسک) انگلینڈ میں جاری ٹی 20 بلاسٹ کے میچ سے تھوڑی دیر قبل 4 کرکٹرز کو کرونا کے شبہ میں میچ سے باہر کردیا گیا،ان میں انگلینڈ کے قومی کرکٹرڈیوڈ ویلی بھی شامل ہیں۔ٹی 20 بلاسٹ کا میچ ہیڈ نگلے میں ہوا،لنکا شائر کیخلاف ہونے والے میچ سے قبل یارکشائر نے اپنے 4 کرکٹرز سکواڈ سے الگ کردیئے، ان میں انگلینڈ کے معروف کرکٹر ڈیوڈ ویلی ،ٹام کوہلر،کیڈمور اورجوش پیسڈن شامل ہیں۔کائونٹی حکام نے اعلان کیا ہے کہ کووڈ گائیڈ لائنز کی روشنی میں انہیں میچ نہیں کھلایا گیا اور ٹور کرنیوالے سکواڈ سے باہر کردیا گیا ہے۔ کلب اب ان کرکٹرز کے کروناٹیسٹ کے نتائج کا انتظار کرے گا اور اس کے بعد حتمی فیصلہ جاری ہوگا۔