اسلام آباد (نیوز رپورٹر) گلگت بلتستان اسمبلی کے انتخابات کیلئے پاکستان مسلم لیگ (ن) کے پارلیمانی بورڈ کا اجلاس سینٹ میں قائد حزب اختلاف راجہ ظفر الحق کی صدارت میں منعقد  ہواجس میں پارٹی امیدواروں کے ناموں پر غور کیا گیا۔ اجلاس میں شاہد خاقان عباسی، خواجہ آصف، احسن اقبال، برجیس طاہر، پرویز رشید، مشاہد حسین سید، انجینئر خرم دستگیر خان، مریم اورنگزیب، سابق وزیراعلی گلگت بلتستان حافظ حفیظ الرحمن کے علاوہ گلگت بلتستان سے تعلق رکھنے والے مسلم لیگ (ن) کے اہم رہنمائوں نے بھی شرکت کی۔