لاہور(سپورٹس ڈیسک) اٹالین اوپن ٹینس میں اسپینش ٹینس اسٹار رافیل نڈال نے ہم وطن کیرینو بسٹا کو سٹریٹ سیٹس سے شکست دیدی۔عالمی نمبر دو ٹینس پلیئر رافیل نڈال نے چھ، ایک اور چھ، ایک سے کامیابی سمیٹ کر اگلے راؤنڈ کیلئے کوالیفائی کر لیا۔یونان کے سٹیفنوس کو اٹلی کے جانک سنر کے ہاتھوں اپ سیٹ شکست کا سامنا کرنا پڑا، اٹالین کھلاڑی نے ایک کے مقابلے میں دو سیٹس سے شکست دی۔ویمن کیٹگری میں امریکی ٹینس سٹار وینس ولیمز کا پہلے راؤنڈ میں سفر اختتام پذیر ہو گیا، بیلا روس کی آزارنیکا نے وینس ولیمز کو سٹریٹ سیٹس سے شکست دی۔