لاہور(نمائندہ خصوصی) لاہورمیں چوری اور ڈکیتی کی متعدد وارداتوں میں ڈاکوں اور چوروں نے شہریوں کو لاکھوں روپے مالیت کی نقدی زیورات اور دیگر قیمتی اشیا سے محروم کردیا۔ تفصیلات کے مطابق گھروں میں ڈکیتی کی وارداتوں میں باٹاپور کے علاقے میں 4 لاکھ 20 ہزار، ٹاؤن شپ کے علا قہ سے 3 لاکھ 95ہزار، مسلم ٹاؤن کے علاقہ سے 3لاکھ 30 ہزار، ہنجروال کے علا قہ میں 2 لاکھ 65 ہزار، شادمان کے علاقہ سے ایک لاکھ 50 ہزار روپے مالیت کی نقدی اور طلائی زیورات اور مو با ئل فون لوٹ کر فرار ہوگئے۔ لوٹ مار کی دیگر وارداتوں میں بادامی باغ کے علاقہ میںایک لاکھ روپے کی نقدی اور موبائل فون، ملت پارک کے علاقہ میں ایک لاکھ 45 ہزار کی نقدی اور موبائل فون چھین لیے گئے جبکہ ڈیفنس سی، سبزاہ زار سے گاڑیاں اور داتا دربار، چوہنگ اور اچھرہ سے موٹرسائیکلیں چوری کر لیں گئیں۔