اسلام آباد (نوائے وقت نیوز) میانوالی کے مضافات سہراب والہ میں رہنے والے حافظ قرآن اور سپیریئر کالج میانوالی کے فرسٹ ایئر پری انجنیئرنگ کے ہونہار طالب علم محمد اعزاز احسن نے شوکت خانم ٹائیگرز کلب کی طرف سے پاکستان کے یوم دفاع کے موقع پر اعلان کردہ عالمی آن لائن مقابلہ ’’My Brave Story‘‘ میں سب سے زیادہ لائیکس حاصل کرکے دنیا بھر میں اول پوزیشن حاصل کی ہے۔ طالب علم محمد اعزاز احسن اس سے قبل میٹرک میں بھی امتیازی نمبروں سے پاس ہوئے اور سکول کالج کی نصابی و ہم نصابی سرگرمیوں میں بھرپور حصہ لیتے ہوئے ممتاز پوزیشنز حاصل کرتے ہیں۔ اس موقع پر انہوں نے اپنے جذبات و تاثرات کا اظہار کرتے ہوئے کہا کہ یہ ان کے لئے اعزاز ہے جس پر وہ اپنے رب کے شکرگزار ہیں، اس مقام پر پہنچنے میں والدین کی دعائیں اور اساتذہ کی محنت بھی شامل ہے۔