ٹریفک حادثات: لاہور، ساہیوال 2،2 کراچی میں 3 افراد جاں بحق
لاہور+ کراچی+ نارووال+ ساہیوال / سرگودھا (نمائندہ خصوصی+ نوائے وقت رپورٹ+ نامہ نگاران) مختلف مقامات پر ٹریفک حادثات میں باپ بیٹے سمیت آٹھ افراد جاں بحق ہو گئے۔ لاہور میں رائیونڈ روڈ پر بھوبھتیاں چوک کے قریب ٹرالر نے موٹر سائیکل سوار دو افراد کو کچل دیا۔ کراچی میں ملیر میمن گوٹھ کے قریب ڈمپر نے دو موٹرسائیکل سواروں کو ٹکر مار دی۔ تین افراد جاں بحق ہو گئے۔ نارووال میں ریس لگاتی دو بسوں نے موٹرسائیکل سوار دو نوجوانوں کو کچل دیا۔ ایک جاں بحق دوسرا زخمی ہو گیا۔ ساہیوال جھنگ روڈ پر اڈہ سیال شریف کے قریب اے سی کوچ کی ٹکر سے موٹرسائیکل سوار باپ بیٹا جاں بحق ہو گئے۔ تفصیلات کے مطابق لاہور میں رائیونڈ روڈ بھوبھتیاں چوک کے قریب تیز رفتار بائیس ویلر ٹرالر بے قابو ہو کر دو موٹر سائیکل سواروں کو کچل ڈالا۔ حادثے میں دو نوں موٹر سائیکل سوار موقع پر ہی جاں بحق ہو گئے۔ جاں ہونے والوں کی شناخت اعجاز اور ندیم کے نام سے ہوئی۔ پولیس کے مطابق ٹرالر ڈرائیور موقع سے فرار ہو گیا ہے۔ کراچی میں ملیر میمن گوٹھ کے قریب ڈمپر نے دو موٹرسائیکلوں کو ٹکر مار دی۔ ٹریفک حادثے میں بچے سمیت تین افراد جاں بحق ہو گئے۔ نارووال میں نیو لاہور روڈ پر ریس لگاتی دو بسوں نے موٹر سائیکل سوار 2 نوجوان کو کچل ڈالا۔ ایک ہلاک دوسرا زخمی ہو گیا۔ اہل دیہہ کا سڑک بلاک کر کے 3 گھنٹے احتجاج کیا۔ ساہیوال، جھنگ روڈ پر اڈہ سیال شریف کے قریب تیز رفتار اے سی کوچ کی ٹکر سے موٹر سائیکل سوار باپ بیٹا جاں بحق ہو گئے۔ سرگودھا، جھنگ روڈ پر موٹر سائیکل سوار عبدالرحمن اپنے بیٹے محمد عثمان کے ہمراہ ساہیوال سے گھر جا رہے تھے کہ اڈہ سیال شریف کے قریب تیز رفتار اے سی ٹائم نے ٹکر دے ماری جس کے نتیجہ میں دونوں جاں بحق ہو گئے۔
