بھیرہ (نامہ نگار) نواحی قصبہ اعوان اڈہ میں مکان کی تعمیر کے لیے ہونے والی کھدائی کے دوران ہینڈ گرنیڈ برآمد ہونے پر علاقہ میں سراسیمگی پھیل گئی۔ قصبہ اعوان کا محمد اسلم اپنے نئے مکان کی تعمیر کے لیے بنیادوں کی کھدائی کرا رہا تھا کہ اچانک کپڑے میں لپٹا ہینڈ گرنیڈ برآمد ہوا جس کی مقامی پولیس کو اطلاع دی گئی اور بم ڈسپوزل سکواڈ نے فوری طور پر آ کر اسے ناکارہ بنایا اور علاقہ کو کلیئرکردیا۔