لاہور (اے پی پی )لاہور ہائیکورٹ میں منی لانڈرنگ اور آمدن سے زائد اثاثہ جات کیس میں قومی اسمبلی میں قائد حزب اختلاف و سابق وزیر اعلیٰ پنجاب شہباز شریف کی عبوری ضمانت کی درخواست پر آج بروز سوموار کو سماعت ہوگی۔ عدالت عالیہ کے جسٹس سردار احمد نعیم کی سربراہی میں دو رکنی بینچ شہباز شریف کی عبوری ضمانت میں آج تک کیلئے توسیع کی تھی۔ دریں اثناء شہباز شریف کے وکیل نے مزید دستاویزات کیلئے متفرق درخواست دائر کر دی جس میں عدالت سے استدعا کی گئی کہ شہباز شریف کے خلاف ریفرنس کو ریکارڈ کا حصہ بنایا جائے۔عدالت عالیہ کے روبرو درخواست گزار شہباز شریف نے دائر ضمانت درخواست میں چیئرمین نیب سمیت دیگر کو فریق بنایا ہے۔