شیخوپورہ سپورٹس ٹیلنٹ کے حوالے سے زرخیز ضلع ہے:کنور عمران سعید
شیخوپورہ(نمائندہ نوائے وقت) پی ٹی آئی کے ضلعی صدر کنور عمران سعید ایڈووکیٹ نے گائوں جھامکے میں فلڈ لائٹ کرکٹ ٹورنامنٹ کے فائنل میچ میں بطور مہمان خصوصی شرکت کی اس موقع پر پی ٹی آئی کے صوبائی جوائنٹ سیکرٹری رانا وحید احمدخاں، شیخ زین ندیم، چوہدری انعام الحق گجر، چوہدری شاہنواز سراء سمیت دیگر موجود تھے کنور عمران سعید نے فاتح اور رنر اپ ٹیموں کے کپتانوں اور کھلاڑیوں میں انعامات تقسیم کئے، اس موقع پر خطاب کرتے ہوئے کنور عمران سعید نے کہا کہ وزیر اعظم عمران خان گراس روٹ لیول پر کھیلوں کے فروغ کیلئے ترجیحی اقدامات اٹھا رہے ہیں تاکہ ہر کھیل کا ٹیلنٹ سامنے آسکے ، شیخوپورہ سپورٹس کے ٹیلنٹ کے حوالے سے ایک ذرخیز ضلع ہے جس نے ہاکی اور کرکٹ سمیت دیگر کھیلوں کے بڑے نامور کھلاڑی پیدا کئے ہیں جنہوں نے ملک و قوم کا سر فخر سے بلند کیا ہے، انہوں نے کہاکہ کھیلوں کے میدانوں کو آباد کرکے ہی ہم ہسپتالوں کو ویران کرسکتے ہیں اس سلسلہ میں پنجاب حکومت نے ہر ضلع میں کھیلوں کے انعقاد کیلئے پنجاب سپورٹس بورڈ کو ہدایات جاری کردی ہیں، کھلاڑیوں کو ہر ممکنہ تعاون فراہم کریں گے۔
