لاہور(سپورٹس ڈیسک) سنوکر کے ورلڈ چیمپئن رونی اوسلیوین کو یورپین ماسٹرز چیمپئن شپ میں آئرلینڈ کے18سالہ آرون ہل سے شکست کا سامنا کرنا پڑ گیا اور ٹورنامنٹ سے باہر ہو گئے ہیں۔ اگست میں عالمی ٹائٹل حاصل کرنے کے بعد یہ رونی اوسلیوین کا پہلا مقابلہ تھا۔
 آرون ہل کی پیدائش اس وقت ہوئی جب 2001ء میں رونی اوسلیوین نے پہلی بار عالمی چیمپئن بنے تھے۔آرون ہل شروع میں تین کے مقابلے میں ایک فریم سے ہار رہے تھے لیکن اس کے بعد انھوں نے ایساشاندار کھیل پیش کیا کہ سب دنگ رہ گئے۔ اس سے قبل تین بار عالمی چیمپئن بننے والے 45 سالہ مارک ولیمز کو 24 سالہ پیٹر ڈیولن نے شکست دے دی تھی۔