میکسیکو سٹی(نیٹ نیوز) 208 کلو وزنی 36 سالہ ہوآن پیڈرو فرانکو نے کرونا وائرس کو شکست دے کر دنیا کو حیران کردیا ہے۔ امریکی خبر رساں ادارے کے مطابق میکسیکو میں ذیابیطس، ہائی بلڈ پریشر اور پھیپھڑوں کے دائمی مرض میں مبتلا ہوآن پیڈرو فرانکو کا وزن 208 کلو ہے جو کہ عالمی ریکارڈ ہے تاہم دو ہفتوں قبل اْن میں کرونا کی تصدیق ہوئی تھی۔ ہوآن پیڈرو فرانکو کو کرونا کے دوران شدید سر میں درد اور سانس لینے میں دشواری کا سامنا تھا تاہم ماہر ڈاکٹرز کی زیر نگرانی گنیز بک آف ورلڈ کی جانب سے دنیا کا فربہ ترین آدمی کا اعزاز پانے والے 36 سالہ نوجوان نے کرونا کو شکست دیدی۔