اسلام آباد (نمائندہ نوائے وقت) سپریم کورٹ پرنسپل سیٹ اسلام آباد کیلئے آئندہ عدالتی  ہفتے کا ججز روسٹر اور کاز لسٹ جاری کر دی گئی ہے۔ہفتہ کو عدالت عظمی سے جاری ججز روسٹر کے مطابق آئندہ ہفتے 28 ستمبر سے 02 نومبر  کے دوران پرنسپل سیٹ اسلام آباد میں پانچ ریگولر  بینچز مختلف  مقدمات کی سماعت کریں گے۔ بینچ ایک جسٹس مشیر عالم،جسٹس قاضی محمد امین اور جسٹس یحیی آفریدی پر مشتمل ہوگا۔ بینچ دو میں جسٹس عمر عطا بندیال،جسٹس منیب اختر اور جسٹس مظاہر علی اکبر نقوی شامل ہوں گے۔ بینچ تین  جسٹس قاضی فائز عیسی اور جسٹس امین الدین خان پر مشتمل ہوگا۔ بینچ چار میں جسٹس مقبول باقر اور جسٹس منصور علی شاہ شامل ہوں گے۔ بینچ پانچ  جسٹس سردار طارق مسعود اور جسٹس سجاد علی شاہ پر مشتمل ہوگا۔ جاری کردی کاز لسٹ کے مطابق امریکی صحافی ڈینیل پرل قتل کیس اور  امریکی خاتون سنتھیا ڈی  رچی کیس میں پیپلز پارٹی کے رہنما سینٹر رحمان ملک کی جانب سے دائر درخواست  پر سماعت 28 ستمبر بروز ( پیر) کو ہوگی۔ بنی گالہ بوٹینیکل گارڈن کی حدود سے متعلق کیس کی سماعت 02  نو مبر  بروز (جمعہ) کو ہوگی۔