غازی خان: ٹرک کار پر چڑھ گیا کمسن بچوں سمیت 4 افراد جاں بحق
ڈیرہ غاز ی خان (این این آئی) ڈیرہ غازی خان میں ٹرک کار پر چڑھ گیا۔ حادثے میں کمسن بچوں سمیت 4 افراد جاں بحق ہوگئے۔ صوبہ پنجاب کے شہر ڈیرہ غازی خان میں فورٹ منرو میں ٹرک کار پر چڑھ گیا۔ افسوسناک واقعے میں 4 افراد جاں بحق ہوگئے۔ ریسکیو ذرائع کے مطابق حادثے میں ایک کم سن بچہ شدید زخمی ہوا۔ ذرائع کے مطابق کار میں سوار خاندان سخی سرور کا رہائشی تھا جو سیاحت کے لیے فورٹ منرو جا رہا تھا۔ جاں بحق افراد میں پروفیسر اللہ وسایا، ان کا بیٹا ابراہیم اور دو پوتے شامل ہیں۔
