ڈسکہ: پیشی پر آئے 2گروپوں میں فائرنگ، 3افراد جاں بحق، 2زخمی
ڈسکہ (نمائندہ خصوصی) پیشی پرآئے 2 گروپوں میں تصادم فائرنگ سے 3افراد قتل جبکہ دو شدیدزخمی ہو گئے حالت تشویشناک ڈسکہ کے نواحی گائوں ادووار پنڈوریاں کے میجر سلیم گروپ اور سرور گروپ میں دیرینہ دشمنی چلی آرہی ہے منگل کی صبح دونوں گروپ کچہری میں پیشی پر آئے ہوئے تھے کہ دونوں میں تصادم شروع ہوگیا اور دونوں گروپوں نے فائرنگ کا آزادانہ استعمال کیا جس کے نتیجہ میں میجر سلیم گروپ کا جنید خان اور سرور گروپ کا احسان سرور ‘پطرس ‘بلال اور اکرم گولیاں لگنے سے شدیدزخمی ہوگئے جن کوطبی امدادکیلئے سول ہسپتال لایاگیاجہاں پر جنید خاں ‘احسان سرور اور پطرس دم توڑ گئے جبکہ زخمی بلال اور اکرم کی حالت بھی تشویشناک بتائی جاتی ہے دونوں گروپوںمیں دیرینہ دشمنی چلی آرہی ہے تاحال پولیس مصروف تفتیش ہے -انسپکٹر جنرل پولیس پنجاب انعام غنی نے سیالکوٹ ڈسکہ میں کچہری کے قریب فائرنگ سے تین افراد کے قتل کے واقعہ کا نوٹس لے لیا۔ ترجمان کے مطابق آئی جی پنجاب نے آر پی او گوجرانوالہ سے واقعہ کی فوری رپورٹ طلب کرتے ہوئے ملزمان کو جلد از جلد گرفتار کر کے سخت قانونی کارروائی کاحکم دیدیا۔
