فیروز والہ : ڈکیتی ‘چوری کی وارداتیں ‘شہری نقدی قیمتی اشیاء سے محروم
فیروز والہ (نامہ نگار) ڈکیتی اور چوری کی متعدد وارداتوں میں شہری لاکھوں نقدی‘قیمتی سامان سے محروم ۔ فیصل آباد کا محمد سعید رشتہ داروں کو ملنے کیلئے بیرون ملک سے آیا ‘جاوید نگر کے قریب کار سوار ڈاکوئوں نے ڈیڑھ لاکھ روپے اور موبائل فون چھین لیے‘ نشہ پلا کر بے ہوش کر کے سڑک کے کنارے پھینک کر فرار ہو گئے۔ نا معلوچوروں نے دکان کے تالے توڑ کر ہزاروں روپے کا سامان چور ی کرلیا۔ نا معلوم ڈاکوئوں نے ندیم اور بیوی سے نقدی‘ طلائی زیورات چھین لئے۔ ڈاکوئوں نے سو موریہ پل کے قریب متعدد افراد کو لوٹ لیا۔
