99 ای چالان جمع نہ کرانے والی کار ،131 مرتبہ ٹریفک سگنل توڑنے والا رکشہ دھر لیاگیا
لاہور (نامہ نگار) پنجاب سیف سٹیز اتھارٹی نے99 ای چالان جمع نہ کروانے والی نادہندہ کار پکڑوا دی۔ پنجاب سیف سٹیزاتھارٹی کیمروں کے ذریعے سرویلنس کے دوران سوزوکی کلٹس گاڑی کو چوبرجی چوک کے پاس چیک کیا گیا۔ موقع پر موجود ٹریفک وارڈنزکے ذریعے گاڑی کو پکڑوایا گیا۔ ٹریفک پولیس کو اتھارٹی کی جانب سے فراہم کی گئی ایپ کے ذریعے گاڑی کے ای چالان چیک کیے گئے۔ جس پر مذکورہ گاڑی 99 ای چالان کی نادہندہ نکلی۔ سٹی ٹریفک پولیس لاہور نے131 مرتبہ ٹریفک سگنل کی خلاف ورزی کرنے والے رکشہ کو دھر لیا۔
