لاہور(نمائندہ سپورٹس+سپورٹس رپورٹر)  باکسر عامر خان نے کہاہے کہ پاکستان میں پہلی انٹرنیشنل  باکسنگ چیمپئن شپ 3 اکتوبر سے اسلام آباد میں ہو گی۔ پہلی فائٹ عثمان وزیر کی ہوگی۔  لڑکیوں کی ٹریننگ کیلئے خاتون ٹرینر درکار ہے۔  ٹائٹل بیلٹ کی رونمائی بھی کی گئی۔ عثمان وزیر نے کہا کہ عامر خان کا بہت شکریہ جنہوں نے پاکستان میں باکسنگ کو فروغ دیا۔ آصف شاہ ہزارہ نے کہا کہ میرا خواب ہے کہ پاکستان کیلئے مزید فتوحات حاصل کروں ۔  نادر بلوچ کا کہنا تھا کہ اْمید ہے باکسنگ کی ایسی چیمپئن شپ پاکستان میں ہوتی رہیں گی۔