شرقپور شریف/ قصور  (نامہ نگار+ نمائندہ نوائے وقت) شرقپور مین سرکلر روڈ پر دو موٹر سائیکل آپس میں ٹکرانے سے دو نوجوان  جاں بحق  جبکہ دو زخمی ہو گئے۔  طیب علی اور اس کا ساتھی اپنی موٹر سائیکل پر سوار ہوکر مین سرکلر روڈ پر جارہے تھے  ڈگری کالج کے قریب پہنچے تو تیز رفتاری کے باعث آپس میں ٹکرا گئے جس کے باعث طیب علی اور ایک نامعلوم زخموں کی تاب نہ لاتے ہوئے ہسپتال میں دم توڑگیا جبکہ دو زخمی ہوگئے جسے فوری طور پر ہسپتال منتقل کردیا گیا۔ مقامی پویس مصروف تفتیش ہے۔ دوسری جانب  قصور میں پرانی منڈی پتوکی کے قریب رکشہ کی ٹکر سے دوموٹر سائیکل سوار جاں بحق ہوگئے۔ پرانی منڈی پتوکی کے رہائشی اکتیس سالہ محمد خالد اور بیس سالہ نعمان احمد موٹرسائیکل پر اپنے گھر سے پتوکی بازار جا رہے تھے کہ منڈی موڑ کے قریب اچانک سامنے سے آنیوالے تیز رفتار رکشہ سے ٹکرا کر شدید مضروب ہوگئے جنہیں علاج معالجے کے لئے ہسپتال منتقل کیا مگر وہ زخموں کے تاب نہ لاتے ہوئے دم توڑ گئے۔