لاہور ( سپورٹس رپورٹر +نمائندہ سپورٹس) قومی ٹی ٹونٹی ٹورنامنٹ کی دفاعی چیمپئن نادرن ٹیم کے کوچ محمد وسیم کا کہنا ہے کہ دفاعی چیمپئن کی حیثیت سے ایسا ہی آغاز چاہتا تھا۔ ٹورنامنٹ سے پہلے دس دن کے کیمپ میں اچھی تیاری کا فائدہ ہوا۔کرونا وائرس کی وجہ سے کھلاڑی کرکٹ سے دور تھے تو خدشہ تھا آغاز اچھا نہ ہوسکے گا۔ حارث روف کی وجہ سے ٹیم میں اگلے درجے کی انرجی آئی ہے۔ حارث روف نے چیلنجز قبول کئے ہیں  روحیل نزیر اور عمر امین کی ڈویلپمنٹ اسی طرح کرنے کی کوشش کر رہے ہیں جیسی قومی ٹیم کو ضرورت ہے۔