گوجرانوالہ (نمائندہ خصوصی) 2اکتوبر کو کیپٹن (ر)  صفدر کی پریس کانفرنس میں شرکت پر تھانہ سیٹلائٹ ٹائون پولیس نے ممبران قومی اسمبلی انجنئیر خرم دستگیر خان، عثمان ابراہیم، محمود بشیر ورک، اظہر قیوم ناہرا، ممبران پنجاب اسمبلی توفیق بٹ، عبدالروف مغل، وقار چیمہ،نواز چوہان، سٹی صدر سلمان خالد پومی بٹ سابق مئیر شیخ ثروت اکرام، سٹی صدر یوتھ وونگ شعیب بٹ، سابق نائب صدر چیمبر کامران خالد بٹ، کلیم احمد بھٹی، ناصر کھوکھر  سمیت 26 رہنمائوں کو تھانے  میں پیش ہو کر وضاحت کرنے بارے نوٹسز جاری کر دئیے۔ پولیس ذرائع کے مطابق ن لیگی رہنما آج دن 11 بجے تھانہ سیٹلائٹ ٹائون میں پیش ہو کر  پریس کانفرنس میں شرکت کے بارے  میں وضاحت دیں گے اس حوالے سے رابطہ کر نے پر لیگی رہنماؤں نے بتایا کہ مسلم لیگ ن لائرز ونگ آج پیش ہو کر اپنا موقف پیش کریں گے۔