قصور، فیروزوالا (نمائندہ نوائے وقت + نامہ نگار) قصور‘ فیروز والا سمیت 4 شہروں میں لڑکے‘ لڑکی ‘ خواتین سے زیادتی کے واقعات ہوئے ہیں۔ قصور کے نواح تارا گڑھ کے علاقہ مفت پورہ تارا گڑھ کی رہائشی نے پولیس تھانہ گنڈا سنگھ والا میں درخواست دی ہے کہ مئورخہ چار اور پانچ اکتوبر کی درمیانی شب میری تیرہ، چودہ سالہ بیٹی گھر میں سوئی ہوئی تھی کہ کھڈیاں کا رہائشی شہزاد احمد وہاں آیا اور میری بیٹی کو ورغلا پھسلا کر زیادتی کی۔ والدہ کی مدعیت میں پولیس تھانہ گنڈا سنگھ مقدمہ نمبر 349/20 بجر م 376ت پ درج کرکے مصروف کارروائی ہے۔ تھانہ فیکٹری ایریا کے علاقہ فیروزوالا میاں کالونی میں نوجوان نے دوشیزہ کے ساتھ زیادتی کر ڈالی۔ بتایا گیا ہے کہ محنت کش کی بیٹی (خ) گھر میں اکیلی تھی کہ اس کا رشتہ دار نوجوان کامران مشتاق ان کے گھر آیا جس نے گن پوائنٹ پر اسے جان سے مار دینے کی دھمکی دے کر دوشیزہ سے زبردستی زیادتی کر ڈالی۔ ملزم فرار ہو گیا۔ فیکٹری ایریا پولیس نے ملزم کے خلاف مقدمہ درج کر لیا۔ جڑانوالہ میں لڑکے‘ ساہیوال میں گونگی بہری لڑکی‘ خاتون سے 6 افراد نے زیادتی کی۔ مقدمات درج کر کے  ملزموں کو گرفتار کر لیا گیا۔