جھنگ لڑکی‘ گجرات لڑکے سے زیادتی‘ نارنگ منڈی میں درندگی سے بچہ شدید زخمی
قصور‘ فیروزوالہ‘ نارنگ منڈی‘ گجرات‘ جھنگ (نامہ نگاران + نمائندگان) فیروزوالا میں نوکری کا جھانسہ دیکر طالبہ سے زیادتی‘ ویڈیو بھی بنائی جبکہ دکاندار نے بچی کو نشانہ بنانے کی کوشش کی۔ نارنگ منڈی میں درندگی سے 4 سالہ بچہ شدید زخمی‘ ملزم کوچند گھنٹوں میں گرفتار کر لیا گیا۔ جھنگ جواں سال لڑکی گجرات میں 14 سالہ لڑکے کو نشانہ بنایا گیا۔ قصور میں 16 سالہ لڑکی کو بے آبرو کیا گیا۔ فیروزوالا سے نامہ نگار کے مطابق تھانہ فیکٹری ایریا کے علاقہ جاوید ٹائون میں مہران اعجاز نے نوکری کا جھانسہ دے کر طالبہ کو زیادتی کا نشانہ بنا ڈالا اور ملزم فرار ہوگیا۔ ملزم نے برہنہ ویڈیو بنا کر اسے دھمکیاں بھی دیں۔ پولیس رپورٹ میں متاثرہ نے بتایا کہ میرے کزن کا دوست بن کر مہران اعجاز گھر آیا اور نوکری کا جھانسہ دینے کیلئے ورغلاتا رہا اس دوران ملزم نے اسلحہ تان کر میرے ساتھ زیادتی کر ڈالی۔ علاوہ ازیں فیض پور خورد میں نوجوان نے دکاندار کی چھ سالہ بیٹی سے زیادتی کرنے کی کوشش کی۔ بچی کے شور پر ملزم فرار ہو گیا۔ پولیس نے مقدمات درج کر لئے ہیں۔ نارنگ منڈی سے نامہ نگار کے مطابق نواحی گائوں منج میں اٹھارہ سالہ اوباش کی چار سالہ بچے سے درندگی‘ ملزم بچے کو زخمی حالت میں چھوڑ کر فرار ہو گیا۔ بچہ گلی میں کھیل رہا تھا۔ درندہ صفت ملزم شکیل نے نشانہ بنایا۔ بچے کو فوری ہسپتال منتقل کیا گیا۔ ملزم شکیل کو گرفتار کر لیا گیا ہے۔ جھنگ سے نامہ نگار کے مطابق اوباش شخص نے جواں سالہ لڑکی کو زبردستی بے آبرو کر دیا۔ محلہ جلال آباد کے رہائشی کی درخواست کے مطابق بابر نے اس کی رشتہ دار کو قابو میں کر کے مبینہ طور پر اس سے زبردستی زیادتی کی۔ پولیس تھانہ سٹی نے ملزموں کے خلاف مقدمہ درج کر لیا ہے۔ گجرات سے نامہ نگار کے مطابق 14سالہ بچے کو بدفعلی کا نشانہ بنانے والا درندہ چند گھنٹوں میں گرفتار‘ مقدمہ درج ، تھانہ صدرگجرات کے نواحی علاقہ لُنڈ پور میں چودہ سالہ بچے کیساتھ ملزم عمران زاہد ساکن قادر کالونی وزیر آباد نے زیادتی کی۔ قصور سے نمائندہ نوائے وقت کے مطابق نواحی علاقہ کرم آباد میں اوباش نے سولہ سالہ لڑکی کو زیادتی کا نشانہ بنا دیا۔ پولیس تھانہ کوٹ رادھاکشن میں درخواست کے مطابق سولہ سالہ لڑکی گھر میں اکیلی تھی۔ محلے دار عمران جٹ اسے ورغلا کر زیادتی کا نشانہ بنانے کے بعد فرار ہو گیا۔
