لاہور(سپورٹس رپورٹر+نمائندہ سپورٹس) پاکستان کرکٹ بورڈ کے زیر اہتمام قومی ٹی ٹونٹی ٹورنا منٹ کے دوسرے مرحلے میں بلوچستان نے خیبر پی کے ٹیم کو 6وکٹوں جبکہ سندھ نے سنٹرل پنجاب کو 3وکٹوں سے شکست دیدی ۔راولپنڈی میں کھیلے گئے میچ میں بلوچستان نے ٹاس جیت کر فیلڈنگ کا فیصلہ کیا ۔ خیبر پی کے نے 6وکٹوںپر 154رنز بنائے ۔ فخر زمان 33‘شعیب ملک74رنز بناکر نمایاں رہے ۔ عاکف جاوید نے دو کھلاڑیوں کو آئوٹ کیا ۔ بلوچستان نے ہدف 4وکٹوں پرپورا کرلیا ۔ اویس ضیا ء نے ناقابل شکست 92رنز بنائے اور مین آف دی میچ قرار پائے۔ شاہین شاہ آفریدی نے دو کھلاڑیوں کو آئوٹ کیا ۔ دوسرے میچ میں سندھ نے ٹاس جیت کر فیلڈنگ کا فیصلہ کیا۔ سنٹرل پنجاب نے 6وکٹوں پر 170رنز بنائے ۔ بابر اعظم نے 53گیندوںپر 86رنز کی اننگز کھیلی۔ سہیل خان نے تین کھلاڑیوں کو آئوٹ کیا ۔ سندھ نے ہدف7وکٹوں پر پورا کرلیا ۔ اعظم خان 32‘حسان خان 36رنز بناکرآئوٹ ہوئے ۔ دانش عزیز نے ناقابل شکست59رنز بنائے۔ وقاص محمود نے تین جبکہ احسان عادل اور ظفر گوہر نے دو دو کھلاڑیوں کو آئوٹ کیا۔ دانش عزیز کو میچ کا بہترین کھلاڑی قرار دیا گیا ۔