لاہور (سپیشل رپورٹر) پنجاب حکومت نے 5 افسروں  کے تقرروتبادلے اور پوسٹوں کو اپ گریڈ  کرنے کے احکامات جاری کئے ہیں۔ پنجاب میں ایڈیشنل چیف سیکرٹری کی 2 نئی آسامیاں پیدا کر دی گئیں جس کے بعد صوبے میں ایڈیشنل چیف سیکرٹری عہدہ آسامیوں کی تعداد 8 ہو گئی ہے۔ ایڈیشنل چیف کی دو نئی پوسٹیں بنا دی۔ ایڈیشنل چیف سیکرٹری ہائیر ایجوکیشن کی پوسٹ پر  ارم بخاری جبکہ ایڈیشنل چیف سیکرٹری بلدیات پر طاہر خورشید کو تعینات کیا گیا ہے۔ پنجاب میں پہلے ایڈیشنل چیف سیکرٹری پنجاب، ایڈیشنل چیف سیکرٹری ہوم، ایڈیشنل چیف سیکرٹری انرجی، ایڈیشنل چیف سیکرٹری انفراسٹرکچر‘ ایڈیشنل چیف سیکرٹری رورلر اکنامی و دیگر شامل ہیں جبکہ ڈائریکٹر فوڈ پنجاب واجد علی شاہ کو تبدیل کر کے او ایس ڈی بنا دیا گیا ہے جبکہ ایم ڈی پنجاب سمال انڈسٹریز کارپوریشن دانش افضال کو تبدیل کر کے ڈائریکٹر فوڈ پنجاب تعینات کیا گیا ہے۔ جبکہ ایس اینڈ جی اے ڈی میں تقرری کے منتظر محمد محبوب عالم سیکرٹری باب پاکستان تعینات کیا گیا ہے۔