لاہور(نمائندہ سپورٹس +سپورٹس رپورٹر) پشاور، جمرود، سوات، لاہور، صوابی وزیرستان باڑہ کے بعد کوئٹہ میں ایم جی زلمی کیمپ اور ٹرائلز کا انعقاد کیا گیا۔ پاکستان میں نئے کرکٹ ٹیلنٹ کی تلاش کیلئے پشاور زلمی کی کوششیں جاری ہیںاس حوالے سے ایم جی زلمی کیمپ کے سلسلے میں کوئٹہ میں نوجوان کرکٹرز کے ٹرائلز کا اہتمام کیا گیا۔پشاور زلمی کے ڈائریکٹر کرکٹ محمد اکرم اور ارشد خان نے ٹرائلز لیے ،محمد اکرم نے کہا کہ یہاں کرکٹ کا زبرست ٹیلنٹ موجود ہے۔مستقبل میں بلوچستان اور کوئٹہ سے کئی نوجوان کرکٹرز ابھر کر سامنے آئیں گے ، پشاور زلمی کے سپن کنسلٹنٹ ارشد خان نے کہا کہ کوئٹہ کے نوجوانوں میں کرکٹ کا ٹیلنٹ اور جوش وخروش دیدنی ہے ،پشاور زلمی نے پشاور، جمرود، سوات، لاہور،وزیرستان باڑہ اور کوئٹہ میں نئے ٹیلنٹ کو موقع دیا ہے اور ایم جی زلمی کیمپ سے پاکستان کرکٹ کو نوجوان کرکٹرز میسر آئیں گے۔ چیئرمین پشاور زلمی جاوید آفریدی نے کہا کہ نئے کرکٹ ٹیلنٹ کی تلاش ہمارا مشن ہے،خیرپی کے اور پورے پاکستان میں گراس روٹ لیول پر کرکٹ کے فروغ میں اپنا بھرپور کردار ادا کریں گے۔