لاہور(سپورٹس رپورٹر+نمائندہ سپورٹس)انگلینڈ کرکٹ ٹیم کے جنوری میں مختصر دورانیہ کیلئے پاکستان کے دورہ کی خبرپر سابق کپتان وسیم اکرم کا کہنا ہے کہ انگلینڈ  ٹیم کا مختصر دورانیہ کیلئے پاکستان کا دورہ کرنا بہت بڑی بریک تھرو ہوگا، یہ سیریز پاکستان میں کرکٹ فینز کیساتھ ساتھ نوجوان کرکٹرز کیلئے بہت حوصلہ افزائی کا سبب بنے گی۔  شاہد آفریدی نے کہا کہ یہ پاکستان کرکٹ کیلئے بہت بڑی ڈویلپمنٹ ہے،  دنیا بھر میں محفوظ پاکستان کا تشخص بڑھے گا، یقین ہے کہ ای سی بی دورے کا دعوت نامہ ضرور قبول کریگا،راشد لطیف نے کہا کہ انگلینڈ کا دورہ پاکستان بہت اہم ہوگا، بیک ڈور ڈپلومیسی بہت اہم ہوتی ہے، ایسے فیصلوں پر پی سی بی تعریف کا مستحق ہے۔