انڈر 16 بوائز نیشنل ہاکی چیمپئن شپ 28 نومبر سے پشاور میں ہو گی
لاہور(سپورٹس رپورٹر+نمائندہ سپورٹس) انڈر 16 بوائز نیشنل ہاکی چیمپئن شپ 28 نومبر سے 10 دسمبر تک لالہ ایوب سٹیڈیم پشاور میں منعقد ہوگی۔ چیمپئن شپ میں 13 ٹیمیں حصہ لینگی۔ جن میں چار ٹیمیں پنجاب سے، سندھ، خیبر پی کے اور بلوچستان کی دو دو جبکہ اسلام آباد، گلگت بلتستان اور جموں آزاد کشمیر کی ایک ایک ٹیمیں شامل ہیں۔ پاکستان ہاکی فیڈریشن کی جانب سے سید محمد ظاہر شاہ صدر خیبر پی کے ہاکی ایسوسی ایشن کو چیمپئن شپ کے آرگنائزنگ سیکرٹری ہونگے۔چیمپئن شپ میں شرکت کرنے والی تمام ٹیموں کے آفیشلز کو ہدایت کی گئی ہے کہ وہ اپنے کھلاڑیوں کے فیملی رجسٹریشن سرٹیفیکٹس اپنے ہمراہ لائیں۔
