لاہور، کراچی (این این آئی+ نوائے وقت رپورٹ) سابق وزیر اعظم ذوالفقار علی بھٹو کی شریک حیات نصرت بھٹو کی نویں برسی آج منائی جائے گی۔ ملک بھر کے مرکزی، صوبائی، ڈویژنل، ضلعی اور تحصیل سطح پر تقریبات منعقد کی جائیں گی جس میں پیپلز پارٹی کے کارکن مرحومہ کے روح کے ایصال ثواب کیلئے فاتحہ خوانی اور اجتماعی دعائیں بھی کی جائیں گی۔ سابق صدر آصف علی زرداری نے پیغام میں کہا کہ بیگم نصرت بھٹو کی ملک، آئین اور جمہوریت کیلئے خدمات رہتی دنیا تک یاد رہیں گی۔ انہوں نے ملک‘ عوام، آئین اور جمہوریت کیلئے اپنا گلشن قربان کر دیا۔