لاہور(سپورٹس رپورٹر+نمائندہ سپورٹس) لاہور پولو کلب کے زیراہتمام لولوسرپولو ان پنک کپ 2020ء گلوبل ایونٹ آف پنک ربن کے تیسرے دن پہلے سیمی فائنل میں ایف جی پولو ٹیم نے اولمپیاء کو 13-5سے ہرا کر مین فائنل کیلئے جبکہ دو دو چکرز والے میچ میں ماسٹر پینٹس نے اپنے میچز جیت کر سب سڈری فائنل کیلئے کوالیفائی کرلیا۔پہلے دو دو چکرز کے تین میچز ہوئے جس میں ماسٹر پینٹس کی ٹیم نے دونوں میچ جیت کر فتح حاصل کی۔ ماسٹر پینٹس بلیک نے ٹیم اے آر پی آر /سکف/شیروڈ  کو 7-2.5سے دوسرے میچ میں ریمنگٹن فارما /باڑیز کی ٹیم کو 4-2سے ہرا یا جبکہ تیسرے دو چکر میچ میں ریمنگٹن فارما /باڑیز کی ٹیم نے ٹیم اے آر پی آر /سکف/شیر وڈ کو7.0.5 سے ہرایا۔  پہلے سیمی فائنل میچ میں ایف جی پولو کی ٹیم نے اولمپیاء کی ٹیم کو 13-5سے ہرا دیا۔ عامر رضا بہبودی نے آٹھ گول، فراست علی چٹھہ نے تین،میاں عباس مختار اور امین رحمان نے ایک ایک گول کیا۔آج میجک ریور، اے او ایس اور گارڈ گروپ سب سڈری فائنل کیلئے کھیلیں گے جبکہ دوسرا سیمی ذکی فارمز اور ماسٹر پینٹس کے درمیان کھیلا جائے گا۔