لاہور(سپورٹس رپورٹر+نمائندہ سپورٹس) سابق عالمی سکواش چیمپئن قمر زمان کی ہپ ریپلیسمنٹ کی کامیاب سرجری ہوئی ہے۔ پشاور کے  ہسپتال  میں پروفیسر ڈاکٹر میر امان اللہ خان نے آپریشن کیا۔ 1975 کے برٹش اوپن کے فاتح 68 سالہ قمر زمان نے تمام خیر خواہوں کا شکریہ ادا کیا جنہوں نے ان کی جلد صحتیابی کیلئے دعائیں کیں۔ آپریشن سے پہلے اور بعد میں مجھے مداحوں اور دوستوں کے ذریعہ ملک کے اندر اور باہر سے متعدد پیغامات موصول ہوئے ہیں۔ امید ہے کہ مجھے ہسپتال سے فارغ کردیا جائے گا۔