لاہور(سپورٹس رپورٹر+نمائندہ سپورٹس) پاکستان ہاکی فیڈریشن کے زیراہتمام پانچ سال وقفہ کے بعد شروع ہونے والی قومی ٹرے ہاکی چیمپین شپ کے افتتاحی روز چار میچز کھیلے گئے۔ ایچ ای سی، پنجاب، پی اے ایف اور ایم پی سی ایل نے اپنے اپنے میچز جیت لیے پہلا میچ ایچ ای سی بمقابلہ گلگت بلتستان کھیلا گیا۔  ایچ ای سی نے گیارہ صفر  سے جیت لیا۔ دوسرا میچ  پنجاب بمقابلہ آزاد جموں کشمیر کھیلا گیا ‘بنجاب نے بارہ صفر سے کامیابی حاصل کی۔ تیسرا میچ پی اے ایف بمقابلہ سندھ کھیلا گیا‘ پی اے ایف نے سات ایک سے کامیابی حاصل کی ‘ چوتھا میچ ایم پی سی ایل بمقابلہ اسلام آباد کھیلا گیا ‘ ایم پی سی ایل نے دس صفر سے کامیابی حاصل کی۔ افتتاحی تقریب کے مہمان خصوصی اولمپین منظورحسین جونیئر تھے۔
 ممبران قومی ہاکی سلیکشن کمیٹی اولمپیئن ایاز محمود، اولمپین ناصر علی، اولمپین ملک شفقت، اولمپین خالد حمید، رائے عثمان اکبر کھرل ایسوسی ایٹ سیکرٹری پنجاب ہاکی ایسوسی ایشن ، تعظیم احمد کمبوہ گورنر روٹری کلب بھی موجود تھے۔