لاہور (سپورٹس رپورٹر+نمائندہ سپورٹس )پاکستان ٹین پن بائولنگ فیڈریشن کے زیر اہتمام آزادی کشمیر ٹین پن بائولنگ چیمپئن شپ 25 اکتوبر سے راولپنڈی میں کھیلی جائیگی۔ افتتاح جموں کشمیر لبریشن فرنٹ کے رہنما یاسین ملک کی اہلیہ مشعال ملک کریں گی۔پاکستان ٹین پن بائولنگ فیڈریشن کے صدر اعجاز الرحمن نے بتایا کہ ٹورنامنٹ میں ملک بھر سے کھلاڑی حصہ لے رہے ہیں،  ٹورنامنٹ میں نو مختلف کیٹگریز کے مقابلے رکھے گئے ہیں جن میں مینز سنگلز ، مینزڈبلز، لیڈیز سنگلز، ایمچور، ڈیف ، ٹیم ،انٹر یونیورسٹی ، انٹر سکول اورمیڈیا کیٹگریز کے مقابلے شامل ہیں، ٹورنامنٹ کے سیمی فائنل 29 اکتوبر کو جبکہ فائنل 30 اکتوبر کو کھیلے جائیں گے۔