لاہور(نمائندہ سپورٹس+سپورٹس رپورٹر) قومی ٹیسٹ ٹیم کے کپتان اظہر علی کی چھٹی ہونے کا امکان ‘دورہ نیوزی لینڈ کے دوران وکٹ کیپر بلے باز محمد رضوان کو کپتان بنائے جانے کا امکان ہے ۔ پاکستان کرکٹ بور ڈ کے ہیڈ کوارٹرز میں محمد رضوان کی کپتانی کیلئے صدائیں بلند ہونے لگی ہیں ۔ اظہر علی ایک سال قبل سرفراز احمد کی جگہ کپتان بنایا گیا تھا ۔ اس حوالے سے حتمی فیصلہ جلدکرلیا جائیگا۔ امید ہے کہ چیئرمین پی سی بی اور چیف ایگزیکٹو وسیم خان آئندہ د س دن کے دوران اظہر علی سے ملاقات کرکے فیصلہ سے آگاہ کرینگے ۔ کپتان بنانے یا تبدیل کرنے کا اختیار چیئرمین پی سی بی کے پاس ہے ۔ اظہرعلی اپنی کارکردگی میں تسلسل برقرار نہیں رکھ سکے جس کی وجہ سے انہیں تبدیل کرنے پر غور کیا جارہا ہے ۔