پشاور (نوائے وقت رپورٹ +  آن لائن) وزیراعظم عمران خان آج میانوالی میں منی ڈیم کا سنگ بنیاد رکھیں گے، دورہ پشاور کا شیڈول تبدیل کردیا ہے، وزیراعظم عمران خان نے گزشتہ روز ایک روزہ دورہ پرپشاور آنا تھا،تاہم دورے کا شیڈول تبدیل کردیا گیا،وہ اب 31اکتوبر کو پشاور اور مالاکنڈ کا دورہ کریں گے، مالاکنڈ ڈویژن میں صحت انصاف کارڈ کا اجراء کرینگے۔ وزیراعظم عمران خان آج میانوالی کا ایک روزہ دورہ کریں گے۔ وزیراعظم چاپری میں منی ڈیم کا سنگ بنیاد رکھیں گے۔ وزیراعظم خٹک بیلٹ میں صاف پانی کے پہلے منصوبے کا افتتاح کریں گے۔ وزیراعلیٰ پنجاب عثمان بزدار اور اہم حکومتی شخصیات بھی میانوالی پہنچیں گی۔ وزیراعظم کیڈٹ کالج میں مقامی لوگوں سے خطاب بھی کریں گے۔ نمل یونیورسٹی میانوالی میں تقریب میں شرکت کریں گے۔