کراچی (نوائے وقت رپورٹ)  ایف آئی اے کے انسداد دہشت گردی ونگ نے  کارروائی کے دوران بھارتی خفیہ ایجنسی ’را‘ کے نیٹ ورک کے مبینہ کارکن کو گرفتار کرلیا۔ تفصیلات  کے مطابق ایف آئی اے کے مطابق ایف آئی اے کے انسداد دہشت گردی ونگ نے کراچی کے علاقے گلستان جوہر میں کارروائی کے دوران را نیٹ ورک کے ایک مبینہ رکن کو گرفتار کر لیا۔ ایف آئی اے کے مطابق گرفتار ملزم کا نام عبدالجبار ہے ملزم کا تعلق ایم کیو ایم لندن سے ہے اور کراچی میں را کے سلیپر سیل کیلئے کام کر رہا تھا ملزم بم تیار کرنے اور جدید ہتھیار چلانے کا ماہر ہے اور عسکری تربیت کیلئے چار بار بھارت جا چکا ہے ملزم کو تمام ہدایات بھارت سے محمود صدیقی دیتا تھا ملزم محمود صدیقی کی جانب سے حوالہ ہنڈی کی رقم وصول کرتا تھا یہ رقم دہشت گردی اور ٹارگٹ کلنگ کیلئے استعمال کی جاتی تھی۔