اسلام آباد(سٹاف رپورٹر) نائیک سیف علی جنجوعہ کا 72 واں یوم شہادت گزشتہ روز عقیدت و احترام سے منایا گیا۔ آئی ایس پی آر کے مطابق  مادر وطن کے بہادر فرزند کو خراج تحسین پیش کرنے کیلئے ان کے آبائی شہر کوٹلی آزاد کشمیر میں ان کی قبر پر  پھولوں کی چادر چڑھانے کی تقریب منعقد ہوئی۔ میجر جنرل امتیاز نے آرمی چیف جنرل قمر جاوید باجوہ کی طرف سے  پھولوں کی چادر چڑہائی اور شہید کے ایصال ثواب کیلئے فاتحہ خوانی کی۔