لاہور (سپورٹس رپورٹر) پاکستان ویمن فٹبال ٹیم کا تربیتی کیمپ لاہور میں شروع ہو گیا۔ پہلے روز 29 کھلاڑیوں نے کیمپ میں رپورٹ کر کے پنجاب سٹیڈیم پر پریکٹس کا باقاعدہ آغاز کر دیا۔ پاکستان فٹبال ٹیم کے ٹیکنیکل ڈائریکٹر اور قومی ویمن فٹبال ٹیم کے ہیڈ کوچ ڈینیئل لیمونس، اسسٹنٹ کوچ محسن الحسنین اور قبطہ جمشید بٹ جبکہ خرم شہزاد گول کیپر کوچ تربیتی کیمپ کی نگرانی کر رہے ہیں۔ کستان فٹبال فیڈریشن کی جانب سے جاری اعلامیہ میں کہا گیا ہے کہ سات سال میں پہلا موقع ہے کہ پاکستان کی نیشنل ویمن ٹیم کا تربیتی کیمپ لگایا گیا ہے جو اتوار تک جاری رہے گا۔