لاہور( سپورٹس رپورٹر+نمائندہ سپورٹس ) پاکستان ہاکی فیڈریشن کے زیراہتمام قومی ٹرے ہاکی چیمپئن شپ کے پانچویں روز دو میچ کھیلے گئے۔ پہلا میچ بلوچستان بمقابلہ آزاد جموں کشمیرکھیلا گیا۔ بلوچیستان نے دو کے مقابلے پانچ گول سے کامیابی حاصل کی۔ یونس دو گول، اسفند سینئر نے دو اورعبدل علی نے ایک گول کیا۔ آزاد جموں کشمیرکے بلال مرجان نے ایک گول کیا۔ دوسرا میچ سندھ اور ہائرایجوکیشن کمیشن کے مابین کھیلا گیا۔ جو ہائرایجوکیشن کمیشن نے ایک کے مقابلے تین گول سے جیت لیا۔ ہائر ایجوکیشن کمیشن کی جانب سے علی مرتضی نے دو اور محمد عثمان نے ایک گول کیا جبکہ سندھ کی جانب سے حماد ایاز نے ایک گول کیا۔ میچ کے مہمان خصوصی اولمپین توقیرڈار تھے۔آج 3 میچ کھیلے جائیں گے پہلا میچ اسلام آباد بمقابلہ آزاد جموں و کشمیر، دوسرا میچ ایم پی سی ایل بمقابلہ پنجاب کھیلا جائے گا۔ جبکہ تیسرا اور آخری میچ پی اے ایف بمقابلہ کے پی کے کھیلا جائے گا۔