لاہور(سپورٹس رپورٹر+نمائندہ سپورٹس) پولیو کے خاتمے کی مہم میں روٹری انٹرنیشنل ڈسٹرکٹ 3272  اور پنجاب ہاکی ایسوسی ایشن میں اشتراک ہو گیا۔ نیشنل ٹرے ہاکی چیمپئن شپ کے موقع پر کھلاڑیوں اور آفیشلز میں پولیو فری کی شرٹ تقسیم کی گئیں اور اعلان کیا گیا کہ راولپنڈی میں نیشنل ہاکی چیمپئن شپ میں پنجاب کی ٹیم اینڈ پولیو والی شرٹ پہن کر کھیلے گی۔ روٹری انٹرنیشنل ڈسٹرکٹ 3272 کے گورنر تعظیم احمد کمبوہ نے پنجاب ہاکی ایسوسی ایشن کے سیکرٹری کرنل (ر) آصف ناز کھوکھر سے ملاقات کی۔ اس موقع پر ڈسٹرکٹ گورنر روٹری انٹرنیشنل 3272 تعظیم احمد کمبوہ کا کہنا تھا کہ روٹری انٹر نیشنل اینڈ پولیو آگاہی کے لئے متحر ک ہے۔ پولیوکیخلاف جنگ میں کامیابی ہمارا مقدر بنے گی۔  روٹری انٹرنیشنل پولیومہم کی آگاہی کے لیے اپنا کردار ادا کر رہی ہے۔ ان کا کہنا تھا کہ کھیل  پولیو کے خلاف آگاہی کا بہترین ذریعہ ہیں۔