نیشنل تائیکوانڈو چیمپئن شپ‘آرمی کی 6گولڈ میڈلز کیساتھ پہلی پوزیشن
لاہور(سپورٹس رپورٹر+نمائندہ سپورٹس) پاکستان تائیکوانڈو فیڈریشن کے زیر اہتمام کالا شاہ کاکو میں نیشنل تائیکوانڈو چیمپئن شپ میں پومسے ایونٹ میں آرمی ٹیم کے مرد و خواتین کھلاڑیوں کا شاندار کھیل، 6 گولڈ، دو سلور کیساتھ پہلی پوزیشن اپنے نام کی۔ واپڈا نے دو گولڈ، تین سلور اور دو برانز میڈلز کیساتھ دوسری جبکہ ائرفورس نے دو سلور اور چار برانز میڈلز کیساتھ تیسری پوزیشن حاصل کی۔ آئی جی پنجاب پولیس انعام غنی نے بھی نیشنل چیمپئن شپ کے دوسرے روز مقابلے دیکھے۔ یکم نومبر تک جاری نیشنل چیمپئن شپ کے تیسرے روز خاروگی میل اینڈ فی میل کے مقابلے ہونگے۔
