لاہور(سپورٹس رپورٹر+نمائندہ سپورٹس) صدر پاکستان ہاکی فیڈریشن بریگیڈ (ر) محمد خالد سجاد کھوکھر نے ماری پٹرولیم کمپنی لمیٹڈ کے منیجنگ ڈائریکٹر / سی ای او فہیم حیدر سے ملاقات ‘ قومی کھیل کی بحالی پر تبادلہ خیال کیا گیا۔ خالد سجاد کھوکھر نے  اس بات پر بھی زور دیا کہ پاکستان ہاکی ٹیم کو ایک بار پھر ایک بہترین ٹیم بنانے کیلئے ماری پٹرولیم کی کوششوں کی پاکستان ہاکی کو ضرورت ہے۔انہوں نے جونیئر ایشیا ہاکی ٹورنامنٹ کے تربیتی کیمپ میں ماری پیٹرولیم کے 11 جونیئر کھلاڑیوں کی بڑی شراکت پر ماری پٹرولیم کے ایم ڈی / سی ای او کو مبارکباد پیش کی۔منیجنگ ڈائریکٹر / سی ای او ماری پٹرولیم فہیم حیدر نے تجاویز کا پرتپاک خیرمقدم کیا اور ہاکی کی فروغ میں تعاون کرنے کے عزم کا اظہار کرتے ہوے ہرممکن تعاون کی پیشکش کی۔