لاہور (نمائندہ سپورٹس )نیشنل ٹرے ہاکی چیمپئن شپ کے فائنل میں پنجاب نے ماڑی پٹرولیم کو شکست دے کر ٹائٹل اپنے نام کرلیا۔ ٹائٹل کے فاتح کا فیصلہ پنالٹی شوٹ آوٹ پر ہوا۔ٹرے نیشنل ہاکی چیمپئن شپ کے فائنل میں پنجاب کا مقابلہ ماڑی پیٹرولیم سے تھا، پہلے تین کوارٹرز میں پنجاب کی ٹیم چھائی رہی۔تیسرے کوارٹر کے اختتام تک پنجاب کو دوصفر کی برتری حاصل تھی لیکن چوتھے اور آخری کوارٹر میں ماڑی پٹرولیم نے کم بیک کیا اور مقابلہ 2 ،2 گول سے برابر ہوگیا۔میچ کا فیصلہ پنلٹی شوٹس پر ہوا، پنجاب نے 2 کے مقابلے 4 گول سے کامیابی حاصل کرکے ٹائٹل جیت لیا، میچ کا فائنل سکور 6 کے مقابلے میں 4 گول رہا۔تیسری پوزیشن کے میچ میں ایئر فورس نے ایچ ای سی کو شکست دیدی۔