لاہور(سپورٹس ڈیسک ) ویسٹ انڈیز کرکٹ ٹیم کے کوچ فل سمنز نے کہا ہے کہ دورہ نیوزی لینڈ کے دوران ٹیم پہلے ٹور میچ تک قرنطینہ کرے گی ۔ سکواڈ کے کچھ کھلاڑی جمعہ کے دن نیوزی لینڈ پہنچ کرچودہ روزہ قرنطینہ میں ہیں ۔کچھ کھلاڑی آئی پی ایل کھیل رہے ہیں جس کی وجہ سے ان کی روانگی تاخیر کا شکار ہے ۔ دونوں ٹیموںکے درمیان سیریز کا پہلا ٹی ٹونٹی میچ 27نومبر کو کھیلا جائے گا۔ سائمنز نے کہا کہ یہ بہت مشکل ہے ‘ٹی ٹونٹی میچ کی صبح تک کھلاڑی قرنطینہ میں رہیں گے۔ لیکن اچھا یہ ہے کہ وہ ٹورنامنٹ کھیل کر آرہے ہیں جس کی وجہ سے ان ایکشن ہونگے ۔ ویسٹ انڈیز کرونا وائرس کے بعد نیوزی لینڈ کا دورہ کرنے والی پہلی ٹیم ہے ۔