سرگودھا(نامہ نگار)دو مختلف مقامات پر خاتون اور نوجوان کو قتل کر دیا گیا پولیس نے مقتولین کی نعشیں پوسٹمارٹم کے لئے ہسپتال منتقل کر کے ضروری کاروائی کے بعد ورثاء  کے سپرد کر دیں اور مقدمات درج کر کے مصروف تفتیش ہے۔سرگودھا کے قصبہ پھلروان کے گاؤں ولسن پور میں راستہ کے تنازعہ پر کلاشنکوف اور دیگر اسلحہ سے چھ افراد محمد عامر وغیرہ نے فائرنگ کر کے 24 سالہ نوجوان تصور شبیر کو قتل کر دیا اور فرار ہوگئے۔ پولیس نے مقتول کی ماں شہناز بی بی کی مدعیت میں کلاشنکوف بردار محمد عامر اور اس کے مسلع ساتھیوں ثقلین،محمد اعظم،محسن،خرم شہزاد ، ثاقب کے خلاف مقدمہ قتل زیر دفعہ 302/148/149ت پ مقدمہ درج کر لیا۔ بھکر کے گاؤں ودھے والی میں تیز دھار آلہ سے خاتون کو قتل کر دیا گیا جس کی نعش پولیس نے پوسٹمارٹم کے لئے ہسپتال منتقل کر کے ضروری کاروائی کے ورثاء کے سپرد کر دی ۔