واشنگٹن (نوائے وقت رپورٹ) امریکی صدر ٹرمپ نے الیکشن کا دن وائٹ ہاؤس اور صدارتی امیدوار جوبائیڈن نے اپنے آبائی علاقے نیلونیا میں گزارا سیاسی تجزیہ کاروں کے مطابق جوبائیڈن کو ٹرمپ پر برتری حاصل ہے۔ صدر ٹرمپ نے ورجینیا میں اپنی انتخابی مہم کے مرکز کے دورے کے موقع پر حامیوں سے گفتگو میں کہا کہ ہمیں بہت اچھی رات اور بہترین چار سال ملنے والے ہیں۔ آپ سب بہت نمایاں فرق کے ساتھ نتائج دیکھنے والے ہیں۔ ڈٹ کر مقابلہ ہو گا۔ حمایتی جیت کی خبر سنیں گے۔ صدارتی امیدوار جوبائیڈن نے کہا کہ وقت آ گیا ہے ٹرمپ اپنا بیگ پیک کریں اور گھر چلے جائیں۔ قوم میں نفرت پھیلانے والے کا اقتدار ختم ہونے کو ہے۔