اسلام آباد (سٹاف رپورٹر) بلوچستان کے علاقہ ژوب میں پاک افغان سرحد کے منزائے کئے سیکٹر میں سکیورٹی فورسز پر سرحد پار سے دہشت گردوں کی فائرنگ کے نتیجہ میں ایف سی کا ایک سپاہی‘ بائیس سالہ نائیک فخر عباس شہید ہو گیا ہے۔ آئی ایس پی آر کے مطابق فائرنگ کے باعث دو اہلکار زخمی  بھی ہوئے۔ آئی ایس پی آر کے بیان میں کہا گیا ہے کہ پاکستان ہمیشہ  افغان حکام کے ساتھ سرحد کے اس طرف بارڈر مینجمنٹ کا معاملہ اٹھاتا رہتا ہے تاکہ وہ دہشت گردوں کی نقل و حرکت کو چیک کر سکیں۔